Paglubong kan Enrile ha Libingan ng mga Bayani, gintipahan. Narunapulo nga organisasyon ngan indibidwal an nagpahayag han ira pagtipa ha larang nga paglubong kan Juan Ponce Enrile ha Libingan ng mga Bayani ha Nobyembre 22. Hi Enrile an ginkakangalsan nga arkitekto han balaud militar, parupanmatay ngan paragdambong han kalibungan ngan kwarta han katawhan. Namatay hiya hadton Nobyembre 13 ha edad nga 101.

Protesta kontra ha iligal nga tanggalay ha Calabarzon. Nag-protesta an mga trabahador tikang ha Pamantik-KMU ha atubangan han National Labor Relation Commission ha Calabarzon hadton Nobyembre 17. Igintuman nira ini ha pagbista han ahensya ha mga kaso han iligal nga tanggalay ha Lazada, Shopee, ngan Coke.

Diniretso an grupo ha upisina han DPWH IV-A agud kundenahon an hiluagan nga korapsyon ha mga proyekto nga pan-imprastraktura.

Silent protest han mga magturutdo ngan mga empleyado ha CEU. Ha naglabay nga mga semana, nagsab-ong an mga magturutdo ngan empleyado han Centro Escolar University Faculty and Allied Workers Union ha ira mga bado han mga panawagan para ha disente nga umento ha sweldo, pagpapasulong han collective bargaining agreement (CBA) ngan iba pa nga katungod han mga magturutdo ngan empleyado. Baton ini han unyon ha pagdiri han administrasyon nga ig-undong an usa nga mahinungdanon nga CBA para ha 2025-2030.

Paggios kontra ha COP30. Nagmartsa an mga grupo nga kontra-imperyalista tikang Kalaw Avenue ngadto ha embahada han US ha Manila hadton Nobyembre 15 komo pakikig-usa ha Global Day of Action for Climate Justice. Kaparte an paggios han internasyunal nga kampanya kontra ha 30th Conference of the Parties o COP30 nga ginhihimo ha Belem, Brasil. An COP30 miting han mga nasud nga nagsaad nga magios atubangan han climate change.