Nanumpa an mga bag-o nga eleher nga lider han Alyansa ng Manggagawang Bukid ng Asyenda Luisita (AMBALA) hadton Nobyembre 16 ha usa nga katitirok ha Barangay Lourdes, San Miguel, Tarlac City.

Gintuman ini ha katitirok agud handumon an masaker hadton 2004 diin pito nga parag-uma ha Hacienda Luisita an napatay ha panmusil han mga pwersa han estado. Nakawelga hadto an United Luisita Workers Union ngan Central Azucarera de Tarlac Labor Union komo baton ha iligal nga pagtatanggal ha 326 nga unyonista. Baton liwat an welga ha baga-uripon nga suhol han kompaniya, nga hadto naabot hin ₱9.50 kada adlaw.

Kahuman han katitirok, nagmartsa an mga parag-uma ha mga kakalsadahan han Tarlac City. Dara nira an ira mga panawagan para ha katungod ha tuna, pakabuhi ngan urukyan.

Igin-eleher an bag-o nga mga lider han Ambala ha asembleya hini hadton Nobyembre 15 nga ginpartisiparan han mga membro tikang ha magkalain-lain nga barangay. Kadak-an han mga bag-o nga lider kababayin-an. Aada ha ira sugbong yana an pagbawi ha kadaugan han welga nga katawhan ngan pagpaparayhak ngan pagpapakusog han organisasyon.