Ginkundenar han Karapatan-Cagayan Valley an iligal nga pagdakop kan Stalin Valencia, usa nga organisador han parag-uma. Gindakop han gintig-ob nga pwersa han Philippine National Police (PNP) ngan 5th ID hi Valencia hadton Nobyembre 15 ha San Mateo, Isabela. Naatubang hiya ha luun-luon nga mga kaso nga kriminal, kaupod an pakyas nga pagpatay, pagpatay ngan pansunog ha Cagayan Valley.

Mag-aga nga waray iglutaw hi Valencia, ngan ginhikawan nga makit-an han iya pamilya ngan ginpili nga abogado. Ginkakabarak-an nira nga ginpailarum hiya ha interogasyon ngan sikolohikal nga pagpapa-kuri.

Ha Negros, susrunod an nahireport nga mga kaso han pagtalapas ha tawhanon nga katungod tikang Oktubre 28 tubtub Nobyembre 4.

Pangaresto. Gindakop han mga sundalo han 94th IB an minoriya nga hi Anoy Pacheco samtang tikadto ha iya umhanan ha Sityo Tigbao, Barangay Buenavista, Himamaylan City hadton Nobyembre 4. Hi Pacheco anak han usa nga “Kalanyan” o lider han minoriya ha ira lugar nga Tribu Magahat-Bukidnon.

Panrekisa. Hadton Oktubre 28, pwersahay nga ginsulod ngan ginransak han mga sundalo an balay han parag-uma nga hi Remy Villacanao. Kasunod hini ginsulong ngan ginpalibutan han mga sundalo an balay ni Chona Martinez, asawa ngan bugto han mga biktima han pampulitika nga panmatay han militar.

Ha Laguna, naatubang ha hulga han demolisyon an komunidad han kablas ha NIA Road Purok 7 ha Barangay Pooc, Sta. Rosa, Laguna. An demolisyon ginsesering nga maghahatag lugway ha road concreting project han ahensya. Gintalaan nga himuon ini tikang Nobyembre 18.