Hugot nga gikundena sa Bagong Hukbong Bayan (BHB)-Camarines Norte ang pagsurender, hingpit nga pagtraydor ug pagluib sa masa nilang Marlon Asis (alyas Pots) ug Julie Grace Lola (alyas Haraly). Gipaatubang and duha sa 42nd IB sa publiko isip mga “surenderi” niadtong Pebrero 4 sa hedkwarters sa batalyon sa Labo, Camarines Norte.

Sa pamahayag sa 42nd IB, gisulti niining nagsurender ang magtiayon og .30 kalibre ug 60 kalibreng masinggan, mga bala, eksplusibo, ug uban pang gamit militar. “Nagtraydor sila sa masang mag-uuma ug naghagong hut-ong sa prubinsya bugti sa kaugalingon nilang interes,” pamahayag sa BHB-Camarines Norte. Gawas sa pagsurender og armas, nangalap ug nagpasa ang magtiayon og impormasyon nga nagresulta sa magkasunod nga engkwentro nga gikadaut sa BHB ug mga sibilyan. Gidagit usab sa dalawa ang pondo sa Partido Komunista ng Pilipinas.

Nagpahimangno ang BHB-Camarines Norte sa katawhan sa prubinsya ug rehiyon nga magbantay batok sa pagsabwag og itum nga propaganda ug bakak sa magtiayon. Gideklara ang duha nga “persona non grata” sa mga natarang gerilya ug langkub sa rebolusyonaryong kalihukan sa Camarines Norte.

Kampanya kontra traydor. Gilunsad sa rebolusyonaryong kalihukan sa Southern Tagalog ang usa ka kampanya sa pagbutyag ug pagbatikos sa mga kontra-rebolusyonaryong taksil niining Pebrero. Nagpagula ang BHB ug National Democratic Front sa rehiyon og mga poster nga adunay hulagway sa mga traydor nga pinaka-notoryus sa pagpagamit sa Armed Forces of the Philippines ug rehimeng US-Marcos. Matud nila, angay kundenahon ang mga traydor sa pagsilbing instrumento sa Red-tagging ug pagpanghadlok sa katawhan. Nanawagan silang malukpanong ipakaylap sa tibuok rehiyon ang mga poster.