Nainget a kinundenar ti New People’s Army (NPA)-Camarines Norte ti panagsuko, kakarwan a panangisagmak ken panagtraydor iti masa da Marlon Asis (alyas Pots) ken Julie Grace Lola (alyas Haraly). Ti dua ket insango ti 42nd IB iti publiko kas “surenderi” idi Pebrero 4 iti hedkwarters ti batalyon idiay Labo, Camarines Norte.

Iti pablaak ti 42nd IB, dinakamat daytoy a nagisuko ti agassawa ti .30 kalibre ken 60 kalibre a masinggan, bala, pasabog ken dadduma pay a ramit panggubat. “Nagtraydor da iti masa ti mannalon ken dasig nga anakling-et iti prubinsya kasukat ti managimbubukod nga interes da,” pablaak ti NPA-Camarines Norte. Malaksid iti panagisuko ti armas, nagurnong ken nagipasa ti agassawa ti impormasyon a nagresulta iti agsasaruno a labanan a nakadangran ti NPA ken dagiti sibilyan. Nagitaray met ti dua ti pondo ti Communist Party of the Philippines.

Nagballaag ti NPA-Camarines Norte iti umili ti prubinsya ken rehiyon nga agbantay laban iti panagisaknap ti agassawa ti nangisit a propaganda ken inuulbod. Ti dua ket naideklara a “persona non grata” kadagiti larangan gerilya ken saklaw ti rebolusyonaryo a tignay idiay Camarines Norte.

Kampanya kontra traydor. Insayangkat ti rebolusyonaryo a tignay idiay Southern Tagalog ti maysa a kampanya ti panangibunannag ken panangbabalaw kadagiti kontra-rebolusyonaryo a traydor daytoy Pebrero. Nagiruar ti NPA ken National Democratic Front iti rehiyon kadagiti poster nga addaan ladawan dagiti traydor a napeklan nga agpapausar iti Armed Forces of the Philippines ken rehimen US-Marcos. Kunada, kasapulan a kundenaren dagitoy iti panagserbi da nga instrumento iti Red-tagging ken pammutbuteng iti umili. Immawag da nga ipasaknap dagiti poster iti intero a rehiyon.