Mindorenyo, kontra dredging. Nagprotesta ang mga residente sa Barangay Iriron, Calintaan, Occidental Mindoro niadtong Pebrero 6 aron ireklamo ang dredging nga gihimo sa ilang barangay nga walang pagtugot. Gikundena nila ang pagpanggun-ob sa baybay sa ilang barangay sa kumpanyang Ovada Philippines Inc.

Mga maralita sa QC, nagprotesta kontra sa hulgang demolisyon. Dungan-dungan nga nagprotesta ang mga residente sa Sityo San Roque sa Barangay Bagong Pag-asa, Quezon City niadtong Pebrero 10 aron babagan ang hulgang demolisyon sa tulo ka erya sa maong sityo. Kapin 300 ka pamilya ang mapalayas para sa planong pagpalapad sa kalsada padulong sa mall nga Vertis North, nga iya sa mga Ayala.

Pagdagan ni Sara Duterte sa pagkapresidente, gimakmak. Naglunsad og protesta ang mga progresibong grupo sa Ateneo de Manila University niadtong Pebrero 19 isip pagmakmak sa anunsyo ni Sara Duterte niadtong Pebrero 18 nga modagan siya sa pagkapresidente. Gitawag sa Bagong Alyansang Makabayan ug Koalisyong Makabayan ang deklarasyon nga hinungog ug desperadong tangka nga ikayasan ang tulubagon atubangan sa mga reklamong impeachment.