Mindorenyo, kontra dredging. Nagprotesta ang mga residente sang Barangay Iriron, Calintaan, Occidental Mindoro sadtong Pebrero 6 agud ireklamo ang dredging nga ginapatigayon sa ila barangay nga wala sang pahanugot. Ginkundenar nila ang pagpangwasak sa baybay sang ila barangay sang kumpaniya nga Ovada Philippines Inc.

Mga imol sa QC, nagprotesta kontra sa peligro nga demolisyon. Ululupod nga nagprotesta ang mga residente sang Sityo San Roque sang Barangay Bagong Pag-asa, Quezon City sadtong Pebrero 10 agud pamatukan ang peligro nga demolisyon sa tatlo ka erya sa amo nga sityo. Masobra 300 ka pamilya ang mapalayas para sa plano nga pagpalapad sang karsada padulong sa mall nga Vertis North, ginapanag-iyahan sang mga Ayala.

Pagdalagan ni Sara Duterte sa pagka-presidente ginbatikos. Naglunsar sang protesta ang mga progresibong grupo sa Ateneo de Manila University sadtong Pebrero 19 bilang pagbatikos sa anunsyo ni Sara Duterte sadtong Pebrero 18 nga magapadalagan siya sa pagka-presidente. Gintawag sang Bagong Alyansang Makabayan kag Koalisyon Makabayan ang deklarasyon bilang kabuangan kag desperado nga pagtilaw nga palagyuhan ang salabton sa atubang sang mga reklamo sang impeachment.