Mindorenyo, kontra dredging. Nagprotesta an mga residente han Barangay Iriron, Calintaan, Occidental Mindoro hadton Pebrero 6 agud ireklamo an dredging nga iginlansar ha ira barangay hin waray pagtugot. Ginkundenar nira an panhihibang ha baybayon han ira barangay han kompaniya nga Ovada Philippines Inc.

Mga kablas ha QC, nagprotesta kontra hulga han demolisyon. Duruyog nga nagprotesta an mga residente han Sityo San Roque han Barangay Bagong Pag-asa, Quezon City hadton Pebrebo 10 agud tipahan an hulga han demolisyon ha tulo nga erya ha nasering nga sityo. Masobra 300 nga pamilya an mapapalayas para ha plano nga pagpapahiluag han kalsada tipakadto ha mall nga Vertis North, pananag-iya han mga Ayala.

Pagdalagan ni Sara Duterte ha pagkapresidente, ginsukna. Naglansar han protesta an mga progresibo nga grupo ha Ateneo de Manila University hadton Pebrero 19 komo pagsukna ha anunsyo ni Sara Duterte hadton Pebrero 18 nga madalagan hiya ha pagkapresidente. Gintawag han Bagong Alyansang Makabayan ngan Koalisyong Makabayan an deklarasyon komo kalurungan ngan desperado nga pag-atentar nga pumalagiw ha baratunon atubangan han mga reklamo han impeachment.