Ha naglabay nga mga semana, naglansar han mga asembleya ngan protesta kontra-korapsyon an mga progresibo nga grupo komo pangandam ha dako nga protesta ha Pebrero 25, ika-40 anibersaryo han pag-aalsa nga EDSA. Panawagan hini nga mga aktibidad an pagpapabaton ha ngatan nga dabi tikang ha igbaw.

Hadton Pebrero 14, ginpangunahan han Kilusang Bayan Kontra Kurakot (KBKK) an asembleya han masobra 50 nga organisasyon ha University of the Philippines-Diliman ha Quezon City. Nagpadara han mensahe han pakig-usa ha asembleya hi Bishop Gerardo Alminaza, pangulo han Caritas Philippojes ngan tagapangulo han Catholic Bishops’ Conference of the Philippines Episcopal Commission on Social Action. Hito liwat nga adlaw, usa nga bulag nga katitirok an iginlansar han STOP Corruption Alliance ha Davao City.

Duha nga Black Friday Protest, hadton Pebrero 13 ngan 20, an iginlansar han mga alyado nga organisasyon han KBKK. Nagkamayda han mga paggios ha upat nga syudad han National Capital Region, Baguio City, Bulacan, Laguna, Cavite, Batangas, Cebu, Iloilo, nga ha Tacloban City.

Hadton Pebrero 20, gindid-an han mga lokal nga upisyal han Quezon City an mga progresibo nga grupo nga maglansar han rali ha EDSA ngan manawagan han pagpapalusad kan Marcos ha poder.