Nagprotesta an mga grupo han parag-uma ngan trabahador ha uma ha atubangan han Department of Agriculture ha Quezon City komo pagtigaman han ika-7 katuig nga anibersaryo han balaud para ha liberalisasyon han importasyon han bugas hadton Pebrero 13.

Tikang 2019 tubtub 2026, dinako an importasyon han bugas tikang 2.57 kamilyon tonelada ngadto ha masobra lima kamilyon tonelada. Nagresulta ini ha pagbagsak han presyo han humay, tikang ha abereyds nga ₱20 kada kilo hadton 2018 ngadto ha ₱14-₱16 kada kilo ha masunod nga mga tuig. Nagdurot ini han pagkalugi han mga parag-uma, pag-iban o paghunong ha pagtatanum ngan dugang nga pagkalubong ha utang tungod ha gastos ha produksyon ngan kawaray hin sadang nga suporta tikang ha estado.

Hadton Pebrero 10, nagprotesta ha Quezon City an mga membro han Anakpawis Partylist komo pagkundenar ha waray hunong nga paghitaas ha presyo han lana ngan pakigkunsabuhay han rehimen US-Marcos ha kartel han lana.

Hadton Pebrero 17 hinitaas an presyo han gasolina han ₱1.20/litro ngan ₱0.60/litro ha diesel ngan kerosin. Ha pagtikang han tuig, neto nga hinitaas na an presyo han gasolina han ₱4.20/litro, diesel han ₱7/litro ngan an kerosin han ₱5/litro.

Samtang, nagreport an Petron nga dinako an kita hini han 37% o ₱9.7 kabilyon hadton Nobyembre 2025. Samtang nakita han bilyun-bilyon an mga kompaniya han lana, luun-luon naman an pagpapakuri ha masa nga anakbalhas.