2 nga bag-o nga tsapter han Compatriots, gintukod. Ginreport han Compatriots-NDFP an pagkakatukod han mga bag-o nga tsapter hini ha Hong Kong ngan New Zealand hadton Marso 29. Igintuman an asembleya han pagkakatukod ha pagsalin-urog han ika-57 nga anibersaryo han Bagong Hukbong Bayan (BHB).

100 nga membro han LAB, nagtirok. Iginsalin-urog han maabot 100 nga membro han Liga ng Agham para sa Bayan (LAB) an ira ika-50 nga anibersaryo ngan an ika-57 nga anibersaryo han BHB ha usa nga katitirok ha Metro Manila hadton Marso. Gintukod an LAB hadton Disyembre 1975.

Kumperensya ha pulitika, ginlansar han KM-DATAKO. Masobra 80 nga membro han KM-DATAKO an nagtirok hadton Marso para ha panrehiyon nga kumperensya ha pulitika han rebolusyunaryo nga mga kabatan-unan ngan estudyante ha Cordillera. Kahuman han kumperensya, bug-os ngan madig-on an panindugan han KM-DATAKO nga mas magpakusog pa, magpahiluag ngan sumuporta ngan umapi ha BHB. Gintuman an aktibidad ha anibersaryo han hukbo han katawhan.