2 ka bag-o nga tsapter sang Compatriots, gintukod. Gin-report sang Compatriots-NDFP ang pagtukod sang mga bag-o nga tsapter sini sa Hong Kong kag New Zealand sadtong Marso 29. Gintuon ang asembliya sang pagtukod sa pagsaulog sang ika-57 nga anibersaryo sang Bagong Hukbong Bayan (BHB).

100 ka myembro sang LAB, nagtipon. Ginsaulog sang maabot sa 100 ka myembro sang Liga ng Agham para sa Bayan (LAB) ang ila ika-50 nga anibersaryo kag ang ika-57 nga anibersaryo sang BHB sa isa ka pagtililipon sa Metro Manila sadtong Marso. Gintukod ang LAB sadtong Disyembre 1975.

Kumperensya sa pulitika, ginhiwat sang KM-DATAKO. Masobra 80 ka myembro sang KM-DATAKO ang nagtipon sadtong Marso para sa pangrehiyon nga kumperensya sa pulitika sang rebolusyonaryong mga pamatan-on kag estudyante sa Cordillera. Pagkatapos sang kumperensya, bug-os kag malig-on ang panindugan sang KM-DATAKO nga labi pa nga magpabaskog, magpalapad kag magsuporta kag magpatapo sa BHB. Gintuon ang aktibidad sa anibersaryo sang hukbo sang banwa.