2 baro a balangay ti Compatriots, nabwangay. Inyulat ti Compatriots-NDFP ti pannakabwangay ti baro a balangay daytoy idiay Hong Kong ken New Zealand idi Marso 29. Ti asembliya ket nairana iti panagrambak ti maika-57 anibersaryo ti New People’s Army (NPA).

100 kameng ti LAB, nagtataripnong. Rinambakan ti dumanun iti 100 kameng ti Liga ng Agham para sa Bayan (LAB) ti maika-50 anibersaryo da ken ti maika-57 anibersaryo ti NPA iti maysa a taripnong idiay Metro Manila idi Marso. Ti LAB ket naitakder idi Disyembre 1975.

Kumperensya iti pulitika, inangay ti KM-DATAKO. Nasurok 80 kameng ti KM-DATAKO (Danggayan dagiti Agtutubo iti Kordilyera) ti nagtataripnong idi Marso para iti pangrehiyon a kumperensya iti pulitika dagiti rebolusynaryo a kabataan ken estudyante iti Cordillera. Kalpasan ti kumperensya, sibubukel ken natibker ti takder ti KM-DATAKO nga ad-adda pay nga agpapigsa, agpalawa ken sumuporta ken agkameng iti NPA. Ti aktibidad ket nairana iti anibersaryo ti NPA.