Kalbaryo han Katawhan, ginhimo ha Semana Santa. Ginhimo an Kalbaryo han Katawhan 2026 tikang Martes Santo tubtub Byernes Santo, Abril 3, agud igpakita an mga pas-anon han katawhan Pilipino, labina ha atubangan han krisis ha ekonomiya.

Gintikangan an aktibidad ha komunidad ha NIA Road ha Quezon City hadton Marso 31. Nagkamayda hin kapareho nga mga aktibidad ha Tondo ha Manila, Caloocan, Malabon, Navotas, ngan ha Welcome Rotonda ngan Tatalon ha Quezon City. Kadungan nga ginlansar an Kalbaryo han Trabahador Pankalibusugan ngan Katawhan ha atubangan han Department of Health kontra ha paghitaas han presyo han medisina ngan dugang nga kuri ha pagpapaospital. Ha Davao City, nagkamayda hin “Kalbaryo sa Katawhan” ha pangunguna han mga progresibo nga grupo.

Barikada kontra mina han minoriya nga Palaw’an. Nagtindog hin barikada an mga minoriya nga Palaw’an ngan residente han Sityo Linao, Barangay Ipilan, Brooke’s Point ha Palawan tikang hadton Marso 26 agud pugngan an pagsulod ngan pagmimina han Calmia Nickel, Inc. Tungod ha ira panindugan, ginhahadlok ngan gin-gigipit hira han kompaniya.

An Calmia Nickel, Inc, nga magseserbe nga opereytor han proyekto nga mina nga Infanta Nickel Project, ginkontrata han MacroAsia Mining Corporation nga subsidyaryo han MicroAsia Corp nga pananag-iya han kumprador burges nga hi Lucio Tan.