Naglansar han pankabug-usan nga asembleya an Artista at Manunulat ng Sambayanan (Armas)-Balangay Jethro Isaan Ferrer, usa nga tsapter ha Southern Tagalog, hadton Hunyo. Panalinguha ini han tsapter para ha konsolidasyon ngan pagpapahiluag han ranggo.

Ha asembleya, nagpasundayag an mga membro ngan naghimo han rebolusyunaryo nga panmasa nga pag-analisar ha mga pyesa. Igin-eleher liwat nira an bag-o nga mga upisyal han komite nga tagapagpatuman han tsapter.

Hadton Hunyo liwat, ginhimo hini an usa nga pankultura nga pista diin nagdiskusyon ngan naglansar han palihan nga mayda katuyuanan nga parabungon an buruhaton pankultura han mga rebolusyunaryo nga artista. Iginlansar liwat hini an koordinado nga oplan pinta, oplan pilit, ngan oplan sab-ong. Iginpasarang nira an mga poster, istrimer ngan pintura ha pader nga nananawagan nga ipasulong an gerra han katawhan.