Padayon an pagdamo han mga pagtalapas ha tawhanon nga katungod ha bug-os nga nasud han mga pwersa han estado ha naglabay nga mga semana.

Pagpatay. Brutal nga ginpatay han 88th IB hi Nenita Buscada, usa nga minoriya, ha Barangay Saint Peter, Malaybalay City hadton Hunyo 15. Kaupod ni Buscada an iya asawa ngan duha pa nga sibilyan nga tikadto ha kagugub-an agud mangahoy han tigda nga pauranan han bala han 8th IB.

Gin-atentar nga pagpatay. Ginpanmusil han 43rd hi Olid Yanay, 18, ha Barangay Paco, Las Navas, Northern Sanar hadton Hunyo 13 han aga. Ginpabuthan hiya han tulo nga bala han M203 grenade launcher. Nakadalagan ngan nakatalwas hi Olid tikang ha panmumusil.

Pag-aresto. Gin-aresto han mga pulis ngan han 85th IB an parag-uma nga hi Anthony Biñas hadton Hunyo 18 ha Quezon. Igintago hiya han mga pulis ngan natad-an na la hadton Hunyo 28 ha Quezon District Jail ngan naatubang ha kaso nga gin-atentar nga pagpatay.

Samtang, luun-luon an pagtalapas ha tawhanon nga katungod ha grabe nga militarisasyon ha Las Navas ha Northern Samar; ha Guihulngan City, Negros Oriental; ha mga bungto han Isabela ngan Binalbagan ha Negros Occidental; ngan bisan ha Marikina City ha nakalabay nga mga semana.