Gin-ambus sang isa ka yunit sang Bagong Hukbong Bayan (BHB)-Rizal ang naga-operasyon nga tropa sang 80th IB sa Lukutang Malaki, Barangay San Isidro, Rodriguez, Rizal sadtong Enero 31, alas 5:10 sang kaagahon. Isa ka suldado ang napatay, samtang duha pa ang napilasan. Ang nasambit nga yunit ang tigbantay sa mapanghalit nga proyektong Wawa-Violago Dam sa Rizal.

Sandig sa balita, manog isa na ka tuig ang sunson kag wala-untat nga focused military operation sang 80th IB sa Rodriguez. Magluwas sa nagaserbe nga bantay sang ginatukod nga dam, protektor man ang yunit sa interes sa Lukutang Malaki sang nagahari-harian nga dalagkong manog-agaw sang duta nga mga Araneta, Villar kag Robles.

Imbolbado ang yunit sa sampaw-sampaw nga mga paglapas sa tawhanon nga kinamatarung kabahin ang iligal nga pagbilanggo sa mga tumandok kag mga mangunguma nga nagapangapin sa ila kinamatarung sa palangabuhian. Sugod Enero 31, ginpabaskog kag ginpahugot sang 80th IB ang pagbantay sa paggwa-sulod sang mga residente sa komunidad. Nagtukod ang mga suldado sang mga tsekpoynt kag nagabalay-balay para pahugon ang mga residente kag ipaidalom sila sa iligal nga interogasyon.