Giambus sa usa ka yunit sa Bagong Hukbong Bayan (BHB)-Rizal ang nag-operasyong tropa sa 80th IB sa Lukutang Malaki, Barangay San Isidro, Rodriguez, Rizal niadtong Enero 31, alas-5:10 sa kaadlawon. Usa ka sundalo ang napatay samtang duha pa ang nasamdan. Ang maong yunit tigbantay sa magun-ubong proyektong Wawa-Violago Dam sa Rizal.

Matud sa taho, mag-usa ka tuig na ang subsub ug walay-puas nga focused military operation sa 80th IB sa Rodriguez. Gawas sa pagsilbing bantay sa ginatukod nga dam, protektor usab ang yunit sa interes sa Lukutang Malaki sa naghari-hari nga mangingilog nga agalong yutaan nga mga Araneta, Villar ug Robles.

Imbwelto ang yunit sa patung-patong nga mga paglapas sa tawhanong katungod lakip ang iligal nga pagpriso sa mga minorya ug mga mag-uuma nga nanalipud sa ilang katungod sa panginabuhian. Gikan Enero 31, gipagrabe ug gipahugot sa 80th IB ang pagbantay sa paggawas-sulod sa mga residente sa komunidad. Nagmuntar ang mga sundalo og mga tsekpoynt ug nagbalay-balay aron hadlukon ang mga residente ug ipailalum sila sa iligal nga interogasyon.