Sa kalapiton nga lima ka metro, ginpalukpan sang isa ka yunit sang Bagong Hukbong Bayan (BHB)-Leyte Island (Mt. Amandewin Command) ang pasistang tropa sang 14th IB sa banwa sang Javier, Leyte sadtong Oktobre 15 sang aga. Suno sa yunit, madamo ang nalista nga kaswalti sa mga berdugo nga soldado.

Ang yunit sang 14th IB nga yara sa erya nagapatigayon sadto sang ginatawag nga combat-clearing operations sa mga bungyod kag suba sa tunga sang Barangay Odiong kag Barangay Caraye sa Javier. Kabahin ang operasyon sa lapnagon nga operasyon kombat sang 14th IB sa mga barangay nga sakop sang mga banwa sang Javier kag Abuyog.

Patraidor kag tinalawan nga gintuon sang 14th IB ang atake sini sa sibilyan nga pumuluyo sa Barangay Caraye, Javier. Pagkatapos sang opensiba sang BHB, ginpatuman sang 14th IB sa komunidad ang hamlet ukon “lockdown” kon diin gindumilian ang masa nga magkadto sa ila ulumhan.

Para tabunan ang ila pagkalutos, nagpadihot ang 14th IB kag 802nd IB nga may nakumpiskar sila nga riple halin sa BHB sa pag-atake. Nagpaguwa pa ang militar sa social media sang mga peke nga litrato sang mga pusil nga “nabilin” kuno sang BHB.