Sa lima ka metros, gipabuthan sa usa ka yunit sa Bagong Hukbong Bayan (BHB)-Leyte Island (Mt. Amandewin Command) ang pasistang tropa sa 14th IB sa lungsod sa Javier, Leyte niadtong Oktubre 15 sa buntag. Sumala sa yunit, daghan ang natala nga mga kaswalti sa mga berdugong sundalo.

Ang yunit sa 14th IB nga naa sa maong lugar nagpahigayon kaniadto sa gitawag og combat-clearing operations sa mga buntod ug suba sa tunga-tunga sa Barangay Odiong ug Barangay Caraye sa Javier. Kabahin ang maong operasyon sa lapad nga operasyong kombat sa 14th IB sa mga barangay nga sakop sa mga lungsod sa Javier ug Abuyog.

Maluibon ug tinalawan nga gipunting sa 14th IB ang ilang pag-atake sa sibilyang katawhan sa Barangay Caraye, Javier. Human sa opensiba sa BHB, gipahamtang sa 14th IB ang komunidad og hamlet o “lockdown” diin gidid-an ang masa nga moadto sa ilang umahan.

Aron tabunan ang ilang kapildihan, nagpakana ang 14th IB ug 802nd IB nga sila adunay nakumpiskang riple gikan sa BHB sa pag-atake. Nagpagawas pa ang militar og mga pekeng imahe sa social media nga nagpakita sa mga pusil nga “nabiyaan” kuno sa BHB.