Iti kaasideg a lima a metro, pinaputukan ti maysa a yunit ti New People’s Army (NPA)-Leyte Island (Mt. Amandewin Command) ti pasista a tropa ti 14th IB iti ili ti Javier, Leyte idi Oktubre 15 ti bigat. Segun iti yunit, adu ti naimaldit a kaswalti kadagiti berdugo a soldado.

Ti yunit ti 14th IB nga adda iti erya ket agiyar-aramid idi ti aw-awaganda a combat-clearing operations kadagiti turod ken karayan iti baet ti Barangay Odiong ken Barangay Caraye idiay Javier. Ti operasyon ket paset ti nasaknap nga operasyon a kombat ti 14th IB kadagiti barangay a saklaw dagiti ili ti Javier ken Abuyog.

Patraydor ken takrot nga inbaw-ing ti 14th IB ti atake daytoy iti sibilyan nga umili iti Barangay Caraye, Javier. Kasaruno ti opensiba ti NPA, inyatnag ti 14th IB iti komunidad ti hamlet wenno “lockdown” nu sadinno a maparparitan ti masa nga agturong kadagiti taltalon da.

Tapno kaluban ti pannakaabak da, naglubid ti inuulbod ti 14th IB ken 802nd IB nga adda nakumpiskar da a riple manipud iti NPA iti panagatake. Nagiruar pay ti militar iti social media kadagiti peke a ladawan dagiti paltog nga “imbati” kano ti NPA.