Ginasaluduhan sang Komiteng Rehiyon sa Panay sang Partido Komunista sang Pilipinas ang isa sa mga ginapalangga nga lider sang rebolusyonaryong kahublagan sa rehiyon nga si Roberto Moises Cabales (Kaupod William) nga ginpatay sang militar kag pulis sadtong Oktobre 5 sang gab-i sa Barangay Coto, Lambunao, Iloilo. Ginpaguwa sang mga pwersa sang estado nga nagbato si Cabales kag kaupod niya nga si Mateo Suarez (Kaupod Badong) samtang kuno ginaserbe sa ila ang isa ka mandamyento de aresto. Ginpanginwala sang mga residente sa barangay nga may natabo nga engkwentro.

Sang pamatan-on pa siya, nag-eskwela para mangin doktor si Cabales. Sa sulod sang pila ka dekada, nagserbe siya sa masang Pilpino kag nangin kabulig sang Komiteng Rehiyon sa pagpamuno sa rebolusyonaryong kahublagan sa Panay. Si Cabales nangin isa man ka bilanggong pulitikal sadtong 1999.

Samtang, si Suarez isa ka anay katapo sang BHB nga nagdesisyon nga magpahuway pila ka tuig na ang nagligad tungod sa kahimtangan pisikal. Pagkatapos sini, nagpabilin siya nga tampad kag mataas ang handum nga magbulig kag magtimbang sa rebolusyonaryong kahublagan. Nangin isa man ka bilanggong pulitikal si Suarez sadtong 2012.