Ginpasidunggan han Panrehiyon nga Komite ha Panay han Partido Komunista ng Pilipinas an usa ha mga minayuyo nga rebolusyunaryo nga lider han kagiusan ha rehiyon nga hi Roberto Moises Cabales (Kasamang William) nga ginpatay han militar ngan pulis hadton Oktubre 5 han gab-i ha Barangay Coto, Lambunao, Iloilo. Ginpagawas han pwersa han estado nga inato hi Cabales ngan kaupod niya nga hi Mateo Suarez (Kasamang Badong) samtang kunuhay iginsasalawad ha ira an usa nga mandamyento de aresto. Ginpahimuwaan han mga residente han barangay nga may nahitabo nga engkwentro.

Ha iya kabataan, nag-eskoyla agud magin doktor hi Cabales. Ha sakob han pira kadekada, nagserbe hiya ha masa nga Pilipino ngan nagin kabakyang han Panrehiyon nga Komite ha pamumuno ha rebolusyunaryo nga kagiusan ha Panay. Hi Cabales nagin usa liwat nga priso pulitikal hadton 1999.

Samtang, hi Suarez usa nga hadto anay membro han BHB nga nagdesisyon nga gumikan pira katuig na an nakalabay tungod ha pisikal nga kamutangan. Kahuman hini, nagpabilin hiya nga tangkod ngan hitaas an hingyap nga makabulig ngan bumakyang ha rebolusyunaryo nga kagiusan. Nagin usa nga priso pulitikal liwat hi Suarez hadton 2012.