Gipasidunggan sa Komiteng Rehiyon sa Panay sa Partido Komunista ng Pilipinas ang usa sa mga talagsaong lider sa rebolusyonaryong kalihukan sa rehiyon, si Roberto Moises Cabales (Kaubang William), nga gipatay sa militar ug pulis niadtong gabii sa Oktubre 5 sa Barangay Coto, Lambunao, Iloilo. Gipagawas sa mga pwersa sa estado nga misukol si Cabales ug ang iyang kauban nga si Mateo Suarez (Kaubang Badong) samtang gitunulan sila og mandamyento de aresto. Gihimakak sa mga residente sa barangay nga adunay nahitabong engkwentro.

Sa batan-on pa siya, nag-eskwela si Cabales aron mahimong duktor. Sulod sa pipila ka dekada, nagsilbi siya sa masang Pilipino ug nahimong katabang sa Komiteng Rehiyon sa pagpangulo sa rebolusyonaryong kalihukan sa Panay. Si Cabales nahimo usab nga bilanggong pulitikal niadtong 1999.

Samtang, si Suarez usa ka kanhi myembro sa BHB nga mibiya na pipila ka tuig na ang milabay tungod sa iyang pisikal nga kahimtang. Bisan pa man, nagpabilin siyang matinud-anon ug matinguhaong makatabang ug mosuporta sa rebolusyonaryong kalihukan. Nahimo usab siyang bilanggong pulitikal niadtong 2012.