Pinadayawan ti Komite ti Rehiyon ti Communist Party of the Philippines iti Panay ti maysa kadagiti naisangsangayan a lider ti rebolusyonaryo a tignay iti rehiyon a ni Roberto Moises Cabales (Ka William) a pinatay ti militar ken pulis idi Oktubre 5 ti rabii idiay Barangay Coto, Lambunao, Iloilo. Parparwaren dagiti pwersa ti estado a limmaban ni Cabales ken ti kadwa na a ni Mateo Suarez (Ka Badong) bayat a maiserserbi kano ti mandaymento de aresto kadakwada. Pinaglibakan dagiti residente ti barangay nga adda ti napasamak nga engkwentro.

Iti kina-agtutubo na, ni Cabales ket nagadal tapno agbalin a duktor. Iti unos ti lima a dekada, nagserbi isuna iti masa a Pilipino ken nagbalin a kabadang ti Komite ti Rehiyon iti panangidaulo iti rebolusyonaryo a tignay iti Panay. Ni Cabales ket maysa met a balud-pulitikal idi 1999.

Kabayatanna, ni Suarez ket dati a kameng ti NPA a nagretiro mano a tawenen ti napalabas gapu iti pisikal a kasasaad. Kalpasan daytoy, nagtalinaed isuna a napudno ken nangato ti tarigagay na a makatulong iti rebolusyonaryo a tignay. Nagbalin met a balud pulitikal ni Suarez idi 2012.