Nakalunsar sang lima ka aksyon militar ang Bagong Hukbong Bayan (BHB)-Southwest Negros (Armando Sumayang Jr Command) sadtong Marso. Tatlo ka operasyon haras kag duha ka operasyon dis-arma ang ginpatigayon sini.

Sadtong Marso 1, ginpalukpan sang hukbo ang detatsment sang 15th IB sa Barangay Haba sa banwa sang Candoni sa Negros Occidental. Sadtong Marso 9 kag Marso 16, ginpalukpan sang BHB ang mga soldado sang 15th IB sa Sityo Patol, Barangay Caliling kag Sityo Tagaytay, Barangay Narra, lunsay sa banwa sang Cauayan.

Natigayon man ang operasyon pagdis-arma sa mga kontra-rebolusyonaryo kag mga malain nga elemento sa sakop nga erya sang yunit sadtong Marso 12 kag Marso 19. Nakumpiskar sang mga Pulang hangaway ang duha ka armas halin sa mga target sini nga napamatud-an nga nakasala sa pumuluyo kag sa rebolusyonaryong kahublagan.