Nakaipatungpal ti lima nga aksyon militar ti New People’s Army (NPA) -Southwest Negros (Armando Sumayang Jr Command) idi Marso. Tallo nga operasyon a haras ken dua nga operasyon a dis-arma ti inyaramid daytoy.

Idi Marso 1, pinaputukan ti hukbo ti detatsment ti 15th IB iti Barangay Haba iti ili ti Candoni idiay Negros Occidental. Idi Marso 9 ken Marso 16, pinaputukan ti NPA dagiti soldado ti 15th IB idiay Sityo Patol, Barangay Caliling ken Sityo Tagaytay, Barangay Narra, agpada iti ili ti Cauayan.

Naipatungpal met ti operasyon a panagdis-arma kadagiti kontra-rebolusyonaryo ken dakes nga elemento iti saklaw nga erya ti yunit idi Marso 12 ken Marso 19. Nakumpiskar dagiti Nalabbaga a mannakigubat ti dua nga armas manipud kadagiti target daytoy a napaneknekan a nagbasol iti umili ken iti rebolusyonaryo a tignay.