Pagliblibakan dagiti yunit ti New People’s Army (NPA) ti inyulat ti Armed Forces of the Philippines (AFP) nga engkwentro iti baet daytoy ken ti hukbo ti umili kadagiti napalabas a lawas. Kadagiti pinarbo nga istorya ti enkwentro, nagwaldas ti pondo dagiti soldado iti sango ti nakaro a krisis iti ekonomya a mapadpadasan tatta ti masa a Pilipino.

Idiay Camarines Sur, inbunannag ti NPA-Camarines Sur (Eduardo Olbara Command) a palso ti damag nga engkwentro iti Barangay Pararao, Balatan idi Abril 9. Ti agpayso, 30 minutos a mauyong a nagpaputok dagiti soldado ken nagaramat da pay ti dua nga helikopter.

Idiay Negros Occidental, saan nga engkwentro iti baet ti 79th IB ken NPA-Northern Negros (Roselyn Jean Pelle Command) ti napasamak nu di ket pabuya a peke nga engkwentro usar dagiti bukod a yunit ti militar idi Abril 16 iti Barangay Minautok, Calatrava. Iti bukod da a kinamaag, maysa kadagiti soldado da ti nasugatan iti pabuya. Kasaruno ti pasamak, inbaw-ing ti 79th IB ti pungtot daytoy kadagiti residente iti komunidad ken inbalud da isuda ti mano nga oras karaman dagiti menor-de-edad ken ubbing.