Ginhimutig sang mga yunit sang Bagong Hukbong Bayan (BHB) ang ginreport sang Armed Forces of the Philippines (AFP) nga mga engkwentro sa tunga sini kag sang hukbo sang banwa sang nagligad nga semana. Sa mga himo-himo nga engkwentro, nagwaldas sang pondo ang mga soldado sa atubang sang grabe nga krisis sa ekonomiya nga ginaantus subong sang masang Pilipino.

Sa Camarines Sur, ginbuyagyag sang BHB-Camarines Sur (Eduardo Olbara Command) nga peke ang balita nga engkwentro sa Barangay Pararao, Balatan sadtong Abril 9. Ang matuod, 30 ka minuto nga patarasak nga nagpalupok ang mga soldado kag naggamit pa sang duha ka helikopter.

Sa Negros Occidental, indi engkwentro sa tunga sang 79th IB kag BHB-Northern Negros (Roselyn Jean Pelle Command) ang natabo kundi palagwaon nga engkwentro gamit ang kaugalingon nga yunit sang militar sadtong Abril 16 sa Barangay Minautok, Calatrava. Sa kaugalingon nga pagka-inutil, isa sa mga soldado sini ang napilasan sa palagwaon. Sunod sang panghitabo, ginliso sang 79th IB ang kaakig sini sa mga residente sa komunidad kag gindetener sila sang pila ka oras lakip ang mga menor-de-edad kag bata.