Kalpasan ti innem nga aldaw a welga, naiduron dagiti mangmangged ti kumpanya ti Kowloon House West Avenue idiay Quezon City nga ipatungpal ti nayon a sweldo ken ited ti benepisyo a nabayagen a rumbeng a naited kadakwada. Iti negosasyon idi Abril 20, napagtulagan ti umento a ₱20/aldaw iti sweldo ken panangited ti maneydsment ti utang daytoy a service charge a ₱570,000 kadagiti mangmangged.

Naikasa ti welga idi Abril 15 kas sungbat iti panagbarbarat ti maneydsment iti negosasyon para iti collective bargaining agreement (CBA). Idi Abril 8, nagbotos ti amin a mangmangged nga ikasa daytoy.

Sakbay ti welga, maudi a diaya ti kumpanya ti ₱13 kada aldaw a nayon a sweldo laban iti iruprupir dagiti mangmangged a ₱25. Daytoy a gatad ket paset pay ti nayon a sweldo a napagtulagan iti 2020-2022 CBA da. Nasurok-kumurang ₱5.5 milyonen ti saan a nait-ited ti kumpanya a sweldo ken benepisyo.

Nagballigi ti welga gapu iti kinatibker dagiti mangmangged ken unyon daytoy a Glowhrain-KMU-Kowloon House West Chapter, ken iti kinalawa ti suporta manipud iti kapada da a mangmangged, estudyante ken propesyunal ken dagiti grupo. Naan-anay ti panagyaman ti unyon iti amin a simmuporta kadakwada.