Ginpahimuwa han mga yunit han Bagong Hukbong Bayan (BHB) an iginreport han Armed Forces of the Philippines (AFP) nga mga engkwentro giutan nira ngan han hukbo han katawhan ha naglabay nga mga semana. Ha mga hinimu-himo nga engkwentro, nagmalgastar han pondo an mga sundalo atubangan han grabe nga krisis ha ekonomiya nga gin-aaguman yana han masa nga Pilipino.

Ha Camarines Sur, ginbuksas han BHB-Camarines Sur (Eduardo Olbara Command) nga buwa an balita nga engkwentro ha Barangay Pararao, Balatan hadton Abril 9. An tinuod, 30 kaminutos nga waray wantas nga nagpabuto an mga sundalo ngan ginamit pa han duha nga helikopter.

Ha Negros Occidental, diri engkwentro giutan han 79th IB ngan BHB-Northern Negros (Roselyn Jean Pelle Command) an nahitabo kundi drama nga engkwentro gamit an kalugaringon nga mga yunit han militar hadton Abril 16 ha Barangay Minautok, Calatrava. Ha kalugaringon nga kawaray pulos, usa ha mga sundalo hini an nasamaran ha drama. Kasunod han panhitabo, iginpaling han 79th IB an kangalas hini ha mga residente ha komunidad ngan iginditiner hira hin pira kaoras kaupod an mga menor de edad ngan bata.