Inpatungpal ti New People’s Army (NPA)-South Central Negros (Romeo Nanta Command) ti rebolusyonaryo a hustisya iti desisyon a dusa a patay iti despotiko nga apo’t daga ken lider ti armado a grupo nga Alsa Masa a ni Philippine Army 2LT Rodolfo Fajardo (Ret) idi Abril 12. Inambus ti hukbo ti umili ni Fajardo iti Barangay Payao, Binalbagan, Negros Occidental.

Naipatungpal ti panagdusa umannurot iti mandar ti korte ti umili iti erya. Nakedngan isuna ti rebolusyonaryo a korte a nagbasol kadagiti kaso ti nasaknap a panagkamkam ti daga, adu a bilang ti pammapatay ken nakaro a panagabuso iti turay. Saan a bumaba iti 14 a mannalon ti pinatay ken inpapatay ni Fajardo kadagiti serye ti masaker, panagpuor ken ekstra-hudisyal a pammapatay. Nagserbi met isuna a kumander ti detatsment iti Barangay Cansalungon, Isabela idi 1985-1986. Isu a naragsak a sinabat dagiti pamilya dagiti biktima ti panagdusa ken Fajardo.

Idi rabii ti Abril 16, nagisayangkat ti operasyon a haras ti NPA-Northern Negros (Roselyn Jean Pelle Command) laban iti tropa ti 79th IB iti Sityo Tub-an, Barangay Marcelo, Calatrava.