Gipanghimakak sa mga yunit sa Bagong Hukbong Bayan (BHB) ang gitaho sa Armed Forces of the Philippines (AFP) nga mga engkwentro tali niini ug sa hukbong bayan sa miaging mga semana. Pinaagi sa maong mga pekeng engkwentro, nag-usik-usik og pondo ang mga sundalo    atubangan sa grabeng krisis sa ekonomiya nga nasinatian karon sa masang Pilipino.

Sa Camarines Sur, gibutyag sa BHB-Camarines Sur (Eduardo Olbara Command) nga wala’y kamatuoran ang balitang engkwentro sa Barangay Pararao, Balatan niadtong Abril 9. Ang tinuod, wala’y hunong nga nagpabuto ang mga sundalo sulod sa 30 ka minuto ug migamit pa kini og duha ka helikopter.

Sa Negros Occidental, dili engkwentro ang nahitabo tali sa 79th IB ug BHB-Northern Negros (Roselyn Jean Pelle Command) kun dili pakaaron-ingnong engkwentro gamit ang kaugalingong mga yunit sa militar niadtong Abril 16 sa Barangay Minautok, Calatrava. Tungod sa kaugalingong pagkainutil, usa sa mga sundalo ang nasamdan sa ilang pagpangilad. Human sa nahitabo, gipahimungtan sa 79th IB ang mga residente sa komunidad ug gipangtanggong sila og pila ka oras lakip na ang mga menor-de-edad ug bata.