Human sa unom ka adlaw nga welga, naduso sa mga mamumuo sa Kowloon House West Avenue sa Quezon City ang kumpanya nga ipatuman ang dugang suhulan ug ihatag ang benepisyo nga dugay nang dapat gihatag. Sa negosasyon niadtong Abril 20, nahiusahan ang umento nga ₱20/adlaw sa sweldo ug paghatag sa maneydsment sa utang niini nga service charge nga ₱570,000 sa mga mamumuo.

Gilunsad ang welga niadtong Abril 15 isip tubag sa pagpanguripot sa maneydsment sa negosasyon para sa bag-ong collective bargaining agreement (CBA). Niadtong Abril 8, mibotar ang tanan nga mga mamumuo nga ilunsad kini.

Sa wala pa ang welga, ang katapusang tanyag sa kumpanya ang ₱13 matag adlaw nga dugang-suhulan batok sa giduso sa mga mamumuo nga ₱25. Kini nga kantidad bahin pa sa dugang suhulan nga nasabutan sa ilang 2020-2022 CBA. Naa sa ₱5.5 milyon na ang wala mahatag sa kumpanya nga sweldo ug benepisyo.

Nagmalamposon ang welga tungod sa kalig-on sa mga mamumuo ug unyon niini nga Glowhrain-KMU-Kowloon House West Chapter, ug sa lapad nga suporta gikan sa parehas mamumuo, estudyante ug propesyunal ug mga grupo. Labihan ang pasalamat sa unyon sa tanan nga misuporta kanila.