Tatlo ka hors de combat nga mga hangaway sang Bagong Hukbong Bayan (BHB)-Western Samar (Arnulfo Ortiz Command) ang gintuyo nga gipatay sa mga soldado sang 8th ID sa Samar sadtong Abril.

Sadtong Abril 17, tuyo nga ginpatay sang mga soldado si Ka John Paul sa Barangay Salvacion, Jiabong. Una siya nga ginpusil kag naigo sa paa kag wala na sang ikasarang nga magbato. Imbes nga bulongon, gintortyur siya antes ginpusil sa dughan nga amo ang iyang ginkamatay.

Sadtong Abril 23, gindakop sang mga soldado sanday Ka Mike kag Ka Oking sa banwa sang Motiong. Isa ka bilog adlaw silang ginpaantus sang mga soldado antes gintadtad sang bala ang ila mga lawas. Sadtong Abril 24, nagpaguwa sang engkwentro ang mga soldado sa Barangay Caulayanan kon diin ginpaguwa nga napatay ang duha.