Duha ka masaker ang ginhimo sang militar kag pulis sa Bangsamora ang ginapaimbestigahan sang mga nagapangapin sang tawhanong-kinamatarung. Nagapanawagan ang Moro-Christian Alliance (MCPA) para sa independyenteng imbestigasyon sa wala duha-duha nga pagpatay sang Armed Forces of the Philippines (AFP) sa 10 ka Moro nga gin-akusaran nila nga miyembro sang Dawlah Islamiya-Maute Group sa Barangay Banga-Pantar, Marantao, Lanao del Sur sadtong Abril 17.

Suno sa istorya sang pulis, magadul-ong kuntani sila, upod ang mga sundalo, sang warrant of arrest batok nanday Amerol Mangonraka at Benjie Amor Macabato, sang may ara “malawig nga lukpanay.” Pagkatapos kuno sang lukpanay, nakita ang patay nga lawas sang duha, upod ang ila mga asawa, kag anum pa nga ginpasibangdan sang militar nga mga “hangaway.” Nakilal-an ang mga napatay nga sanday Nahara Khairiya S. Hamim, Jamail Ibrahim, Fahmi Aminodin, Sohaile Borud Bato, kag Mohaimen Aragon. Isa sa ila ang estudyante sang Mindanao State University sa Marawi City.

Apang suno sa mga istorya sang residente, wala sang natabo nga malawig nga lukpanay sa lugar sa ginhambal nga oras sang mga pulis kag sundalo. Suno sa mga nakakilala, pipila sa mga ginpatay nga biktima ang nagsurender na ligad sa gobyerno. Gintaho sang MCPA ang paglapnag sang kahadlok bangud sa insidente. Madamo ng mga batang lalaki ang nilayas sa komunidad bangud nahadlok nga mapasibangdan.

Sa Zamboanga City, ginpatay sang mga tinawo sa kombinadong pwersa sang AFP kag Philippine National Police (PNP) ang tatlo ka miyembro sang isa ka pamilya sa Barangay Sinunuc, Zamboanga City sadtong Abril 23 ala-1 sang uma nga gindeklara nga isa ka “lehitimong operasyong pulis.”

Napatay sa insidente si Jerry Alfad, 52, isa ka lupon sa barangay, Salam Alfad, 12, kag si Rayyan Alfad, 22, hinablos ni Alfad. Pilason man si Mislie Aradais Alfad, Sayra Alfad, kag Saralyn Alfad, SK Kagawad. Suno sa mga himata, athag nga ginpusil ang mga biktima samtang gahigda, sandig sa kadamuon kag direksyon sang igo sa bala sa kama. Tadtad man sang bala ang bilog balay.