Ubos-kaya nga nagpaninguha ang National Democratic Front of the Philippines (NDFP), kag mga alyadong organisasyon sa pagpalapad kag pagpadalom sa pag-ugat sa masang Pilipino, sa kasyudaran kag kabukiran. Mabaskog nga nisikad ang mga aktibidad sang NDFP halin sang ginlunsar sang rebolusyonaryong kahublagan ang kahublagan pagpanadlong sadtong Disyembre 2023.

Sa ika-53 nga anibersaryo sini, ginpalig-on sang NDFP ang iya mga katungdanan isip pinakakonsolidadong organisadong pwersa sang naghiliugyong prente sang pumuluyong Pilipino para sa demokratikong rebolusyon sang banwa. Ginakutluan sini sang mga leksyon ang mga kadaugan kag kasipyatan halin pa sang pagtukod sini sadtong Abril 24, 1973.

Suno sa Pungsodnon nga Kalihiman sang NDFP, ang pagpagsik sini isip rebolusyonaryong alyansa nakabase sa pagpabaskog sa mga rebolusyonaryong organisasyong masa nga ginsakupan sini. May ara ini 18 ka alyadong organisasyon sa subong.

Sa niagi nga duha ka tuig, nakalunsar ang NDFP sang mga kumperensya sang mga likom nga organisasyong masa para sa pag-ugyon sa baruganan sa mga init nga isyu, magbayloanay sang mga inagihan kag mga problema sa pag-organisa kag paghulag. Ginplano man diri ang hiniusang aktibidad sa pagpamuklat sa masa kag paghimo sang mga kilos-protesta kaangay sang madasig nga protesta, operasyon pintal-operasyon dikit, kag mga kultural nga programa.

Ginaganyat man sang NDFP ang mga alyado sini nga magpublikar sang ila mga pahayagan kag maghatag sang regular nga paghanas sa hilikuton propaganda. Nangin mapagsik ang mga pagtuon sa mga organisasyong masa, nagtala sang gamay nga paglapad, kag nakalunsar sang mga pungsodnon nga kongreso kag pulong ang pungsodnon nga konseho kag ang ila mga alyado nga organisasyon. Hugot nga ginasulong sang NDFP kag mga alyado sini ang 12-punto nga programa sang alyansa.

Sa atubang sang mga imperyalistang gyera kag agresyon sang US subong, nagapanawagan ang NDFP sa mga alyado sini kag sa pumuluyong Pilipino nga isulong ang isa ka aktibo, hilway, kag malinong nga mga polisiya panggawas agud ipakigbato ang kaluwasan sang pungsod. Suno sini, dapat ubos-kaya nga isulong ang demokratiko rebolusyon sang banwa isip solong sabat sa krisis nga gintuga sang imperyalismong US.

Pagsaulog sa anibersaryo

Sa niagi nga mga semana, naghimo sang nagkalain-lain nga aktibidad ang mga alyado sang NDFP para saulugon ang ika-53 nga anibersaryo sini. Ginlunsar nila ang separadong mga madasig nga protesta, OP-OD, pagpanghatag sang mga polyeto, kag mga talakayan kag pagtuon.

Ini ang ginhimo sang Kabataang Makabayan, Katipunan ng mga Gurong Makabayan, Liga ng Agham para sa Bayan, Makabayang Samahang Pangkalusugan, Artista at Manunulat ng Sambayanan kag Compatriots. Naghiwat man ang Metro Manila kag Batangas, kag sa Australia. Sa sulod sang mga larangan gerilya, nagsaulog man ang Bagong Hukbong Bayad upod ang Pambansang Katipunan ng mga Magbubukid.

Nagpaguwa man sang pahayag kag pagtamyaw ang NDFP sa iban pa nga alyadong organisasyon kag mga sangay sini. Nagpaabot man sang pagtamyaw ang mga internasyunal nga partido kag organisasyon nga katapuan sang Friends of the National Democratic Front/Friends of the Filipino People in Struggle.