Untat byahe kag protesta sang Piston. Sadtong Abril 21, liwat nga ginkasa sang Piston ang malaparan nga untat byahe kag protesta batok sa gyera kag kapigaduhon. Ginbutang ang mga sentro sang protesta sa Metro Manila, Bulacan, Rizal, Iloilo, kag Cebu.

Pakigbato sa pagpalayas sa mga bolantero sa Davao City. Nanindugan kag nakiggitgitan ang mga bolantero sa Bankerohan Public Market sa Davao City batok sa pintas nga pagpalayas sa ila sa mga pulis kag lokal nga gobyerno sang Davao City sadtong Abril 29. Ginkumpiska ang mga produkto sang mga bolantero bisan pa man nga nagabayad sila sang arkila kada adlaw.

Protesta kontra demolisyon sa Cavite. Nagprotesta sadtong Mayo 4 ang mga residente sang Barangay Talaba II, Bacoor City, Cavite agud ikundernar ang planong demolisyon sa masobra 100 nga kabalayan sa komunidad. Ginpalayas sila para sa 420 nga ektaryang proyekto nga reklamasyon sang Frabelle Fishing Corp.

Pagbabag sa planong pagmina sa Camarines Norte. Dismayado ang mga residente sang Paracale, Camarines Norte sa natabo nga pangpubliko nga konsultasyon sadtong Abril 23 para sa planong open-pit mining sa 321.46 ektarya nga kadutaan sa lugar. Nag-atubang sa mga residente sa konsultasyon ang Golden River Mining Corporation kag mga representante sang gobyerno nga indi maayo ang sabat sang ila mga singgitan.

Dayalogo sa CHR-Region 5. Nagprotesta kag nakigdiyalogo ang mga biktima sang pagpanglapas sa tawhanong-kinamatarung sa Bicol ang mga miyembro sang Comission on Human Rights-Region 5 sa Legazpi City, Albay sadtong Abril 28. Gin-awhag nila ang ahensya nga maghimo ini sang nagakaigo nga aksyon tuhoy sa nagalala nga red-tagging kag terror-tagging sa Bicol.