Naglunsar sang operasyon isnayp ang isa ka yunit sang Bagong Hukbong Bayan (BHB)-Northern Samar (Rodante Urtal Command) batuk sa mga soldado sang 19th IB nga nagakampo sa detatsment sa Barangay Geparayan de Turag, Silvino Lobos, Northern Samar sadtong Mayo 22. Ang armado nga aksyon pagpatuman sang hustisya sa sampaw-sampaw nga mga krimen sang 19th IB sa masang mangunguma.

Madugay na nga ginaantus sang mga residente sang Silvino Lobos ang pagpang-atake sang pasistang militar sa ila komunidad. Ang amo nga detatsment katambi lang sang mga kabalayan kag tungod sa sobra ka damo sang pasistang tropa sa kampo nagamiksla sila sa sibilyan. Sige-sige man ang mga operasyon kombat nga nagagamo sa pagtrabaho sang masa.

Samtang, napatay sa armadong aksyon sang BHB-Northern Negros (Roselyn Jean Pelle Command) ang isa ka soldado sang 79th IB nga naga-operasyon sa Sityo Cagayon I, Barangay Tamlang, Escalante City, Negros Occidental sadtong Hunyo 1. Madasig nga nakalunsar sang depensa ang yunit sang hukbo sang banwa batuk sa nagapalapit nga tropa sa ila kampo. Tampa ini sa pasulit-sulit nga deklarasyon sang reaksyonaryong estado kag sang armado nga makinarya sini nga wala na sang nagatindog nga larangan sa erya.

Pagkatapos sang inaway, ginpasingki sang 79th IB ang operasyon kombat kag militarisasyon sa barangay. Pilit nila nga ginpabakwit ang 150 pamilya ukon 554 indibidwal nga temporaryo nga nagpabilin sa Tamlang Elementary School sa sulod sang isa ka adlaw.