Nag-ununsyo ang Iran sadtong Hunyo 1 nga isuspender sini ang partisipasyon sa negosasyon sa kalinong sa US kaangot sa gyera. Bunga ini sang pag-atake kag pagpangbomba sang Zionistang Israel sa Lebanon nga direkta nga paglapas sa balayon para sa untat-lupok. Angot sini, liwat nga lubos nga ipasira sang Iran ang Strait of Hormuz.

Suno sa Iran, “ang paglapas sa isa ka patag paglapas sa untat-lupok sa tanan nga mga patag.” Sadtong Mayo 31, gin-anunsyo mismo sang punong ministro sang Zionistang Israel nga si Benjamin Netanyahu nga ginmanduan niya ang iya militar para palaparon kag paigtingon ang mga operasyon kag maniobra militar sa Lebanon. Sunod-sunod ang mga pagpangbomba sini nga nagpatay kag nagsamad sa madamo nga sibilyan sa Lebanon.

Pagkatapos nga nagdulog ang negosasyon, gin-atake sang US sadtong Hunyo 3 ang Qeshm Island sa Iran nga siling nagguba sa mga misayl kag drone sang pungsod. Ginbansagan ini sang US bilang tikang sang “pagpangapin sa kaugalingon.” Nagbalos sang pag-atake ang Iran sa mga base kag pasilidad sang US sa Kuwait kag Bahrain.

Sadtong Mayo 28, sampaw-sampaw nga mga bag-o nga sangsyon ang ginpatuman sang US sa Iran.