Hadton Mayo 28-30, iginlansar han US Coast Guard, dara-dara an mga barko han Philippine Coast Guard, an gintawag hini nga “gintig-ob nga pagpapatrolya” ha Bajo de Masinloc (Scarborough Shoal). Ha pagpapatrulya nga ini, “igin-ensayo” han US an mga Pilipino ha mga operasyon nga pagsulod, pagrekisa ngan pagkumpiska han mga barko nga iginkokonsidera nga “pangontra” o naghihimo han krimen ha kadagatan; pag-ulang, pag-gama, ngan panrerekisa hini; ngan pagpupulis ha kadagatan.

Butaray ini nga panginginlabot ngan pagsusungo ha mga sumpakiay ngan tensyon ha kadagatan. Talapas liwat ini ha hingyap han mga Pilipino, labina han mga Pilipino nga parupangisda, nga murayaw ngan diplomatiko nga resolbahon an mga sumpakiay ha dagat giutan han Pilipinas ngan China. Imbes nga ibanan an presensya han mga armado nga pwersa ha palibot han kadagatan han bahura agud mahiinsister an katungod han gudti nga parupangisda nga Pilipino, mas ginhimo hini nga makuri tubtub nga imposible an murayaw nga paglalayag ngan pangingisda nira didto.

Sentro han mapaso nga sumpakiay an Bajo de Masinloc tungod ha magkadungan nga pag-angkon dinhi han China ngan Pilipinas. Hadton 2016, igindeklara han Permanent Court of Arbitration an kadagatan ha paglibot hini komo tradisyunal nga fishing grounds han gudti nga parupangisda nga Pilipino, Chinese ngan Vietnamese.