Ginkundenar han mga grupo nga makakalibungan ngan minoriya an padayon nga paghibang han kalibungan agud tagan lugway an mga dagko nga proyekto nga imprastratura ngan pagmimina.

Ha Laguna, nagmartsa an mga residente han Pakil ha pangunguna han Mamamayang Nagmamahal sa Pakil hadton Mayo 30 agud tipahan an pagtitindog han Ahunan Dam ha bukid han Ping-as. Gintatagad nga sagrado an bukid ngan importante nga surok han malimpyo nga tubig, irigasyon, ngan pakabuhian.

Ha Romblon, napahunong han protesta hadton Mayo 25 han masobra 500 nga residente han Barangay España ngan kasapit nga mga komunidad ha San Fernando, Sibuyan Island an plano nga pagmimina han Altai Philippine Mining Corporation. Igindungan an paggios ha sesyon han Sangguniang Barangay. Target han operasyon nga mina an 1,580 kaektarya hin katunaan ha San Fernando para ha gintatantiya nga 50,000 katonelada nga nickel ore.

Ha Manila, napiritan an Department of Environment and Natural Resources ngan San Miguel Corporation ni Ramon Ang, nga igsuspendir an pagpulod han mga kahoy ha kahilab-an han Quirino Avenue kahuman han mga protesta nga ginpangunahan han Kalikasan People’s Network for Environment hadton Mayo 26 ngan han makusog nga pampubliko nga opinyon. Naabot ha 617 nga kahoy an napulod antes an suspensyon.