Magkasunod nga taktikal nga opensiba an iginlansar han mga yunit han Bagong Hukbong Bayan (BHB) ha Negros Island hadton Hunyo 12 ngan 14. Usa nga aktibo nga depensa naman an iginlansar ha Northern Samar.

Hadton Hunyo 14, gin-ambus han BHB-Northern Negros (Roselyn Jean Pelle Command) an tropa han Regional Mobile Force Battalion-Negros Island Region nga naghihimo han kontra-insurhensiya nga operasyon ha Sityo Alimpolosan, Barangay Lalong, Calatrava, Negros Occidental. Igin-ukoy han mga Pula nga mangaraway an pagpapabuto han makit-an nira nga mayda mga sibilyan nga kaupod an mga pulis. Waray na igpadayon han mga Pula nga mangaraway an pag-atake agud maseguro an katalwasan hini.

An gin-ambus nga yunit han pulis aada ha erya agud igpadayon an Retooled Community Support Program (RCSP) nga gintikangan han 79th IB. An RCSP usa nga mapan-uwat nga programa ngan tahub para mas pagrabihon an militarisasyon ha kabaryuhan.

Hadton Hunyo 12, naringgal an mga sundalo han 62nd IB ha detatsment ha Barangay Sikatuna, Isabela, Negros Occidental ha iginlansar nga operasyon nga haras han BHB-Central Negros (Leonardo Panaligan Command). Usa nga pasista nga sundalo an napatay ngan usa an nasamaran ha armado nga aksyon.

Ha Northern Samar, naglansar han armado ngan aksyon an BHB-Northern Samar (Rodante Urtal Command) kontra ha 20th IB ha Barangay Catotoogan, Las Navas hadton Hunyo 4 han kulop. Una nga nakapagpabuto ngan aktibo nga nakagdepensa an Pula nga hukbo kontra ha nag-ooperasyon nga mga sundalo. Unom nga tropa han 20th IB an napatay ngan damo nga iba pa an nasamaran. Ha ospital, duha pa an namatay ha dayuday.