Madinaugon nga napalayas hadton Hunyo 2 han mga residente han Sityo Green Valley, Barangay Nalus, Kiamba, Sarangani an tropa han 105th IB nga pira kabulan na nga nagkakampo ngan naglalansar han kontra-insurhensiya nga Retooled Community Support Program (RCSP) ha ira komunidad. Talapas ha internasyunal nga makatawo nga balaud an pagkakampo han militar ha sentro han barangay.

Nagkakaurusa nga ginios an mga residente ngan naghimo han mga pitad para mapalayas an mga sundalo. Kalakip ha ginhimo han mga residente an duruyog nga paggikan ha sentro han mga barangay agud umukoy ha uruubos nga parte han komunidad. Ginsalikway liwat nira an mga sugo han mga sundalo sugad han pagpalit han suplay, pag-alog han tubig ngan iba pa. Kaupod hini nga mga paggios an mga lider ngan sityo ngan pira nga upisyal han barangay.

Nagseserbe nga kumander han 105th IB hi Lt. Col. Erikzen Dacoco nga iginbutang hadton Pebrero la. Masobra tulo katuig pala an batalyon tikang han ginbug-os ha ilarum han 6th ID hadton Pebrero 2023.