Nagtipon sadtong Hunyo 29 sa kampus sang Central Luzon State University sa Nueva Ecija ang mga mangunguma, pamatan-on kag estudyante, syentista, tagpangapin sang kapalibutan, kag mga tiglawas sang simbahan, agud tukuron ang Movement Against Destructive Solar Farms. Isa ini ka grupo nga magapakigbato sa mapangwasak nga mga solar farm sa Central Luzon.

Isa sa mga proyekto nga solar farm sa rehiyon ang MTerra Solar Project nga magasakop sa 3,500-7,000 ektarya nga kadutaan pang-agrikultura sa mga banwa sang Nueva Ecija kag Bulacan. Ginapatukod ini sang Meralco PowerGen kag sang dumuluong nga kumpaniyang General Atlantic.

Kaangot sang proyekto, ginpahog sang pwersahan nga pagpalayas ang mga residente sang Sityo Sangilo, Barangay Macabaklay, Gapan City, Nueva Ecija sadtong Hulyo 2. Nagkadto sa sityo ang nagpakilala nga tag-iya sang duta nga si Rey Tan kaupod ang mga pulis kag pila ka armado nga mga tinawo.