Padayon ang pagdamo sang mga paglapas sa tawhanon nga kinamatarung sa pungsod sang mga pwersa sang estado sa nagligad nga mga semana.

Pagpatay. Brutal nga ginpatay sang 88th IB si Nenita Buscada, isa ka tumandok, sa Barangay Saint Peter, Malaybalay City sadtong Hunyo 15. Kaupod ni Buscada ang iya bana kag duha pa ka sibilyan nga pakadto sa kagulangan para mangahoy sang kalit nga ginpaulanan sang bala sang 8th ID.

Pagtilaw nga pagpatay. Ginpaarakan luthang sang 43rd IB si Olid Yanay, 18, sa Barangay Caputoan, Las Navas, Northern Samar sadtong Hunyo 13 sang aga. Ginpalukpan siya sang tatlo ka bala sang M203 grenade launcher. Nakadalagan kag nakaluwas si Olid gikan sa pagpangluthang.

Pag-aresto. Gin-aresto sang mga pulis kag sang 85th IB ang mangunguma nga si Anthony Biñas sadtong Hunyo 19 sa Quezon. Gintago siya sang mga pulis kag natultulan lang sadtong Hunyo 28 sa Quezon District Jail kag nagaatubang sa kaso nga pagtilaw nga pagpatay.

Samtang, sampaw-sampaw nga paglapas sa tawhanon nga kinamatarung sang masingki nga militarisasyon sa Las Navas sa Northern Samar; sa Guihulngan City, Negros Oriental; sa mga banwa sang Isabela kag Binalbagan Negros Occidental; kag bisan sa Marikina City sa nagligad nga mga semana.