CLSU, nag-walkout kontra pagpanghasi. Kapin sa 200 ka estudyante sa Central Luzon State University sa Nueva Ecija ang nag-walkout sa klase niadtong Hunyo 22 aron kundenahon ang pagpamig-ot sa ilang demokratikong katungod, Red-tagging ug pagpanghasi sa estado sa mga lider-estudyante sa unibersidad. Mibarug sila batok sa sulay nga pagpanghadlok kanila sa administrasyon ug sa mga pwersa sa estado.

Justice for Negros 19 Network, gitukod. Nagtigum ang mga pamilya, higala, ug mga tigpanalipod sa tawhanong katungod sa UP Diliman sa Quezon City niadtong Hunyo 24 aron itukod ang Justice for Negros 19 Network. Ipadayon niini ang kampanya alang sa kamatuoran, pagpanubag ug hustisya alang sa Negros 19 nga gimasaker sa AFP niadtong Abril 19 sa Barangay Salamanca, Toboso, Negros Occidental.

Pride Protest, gipahigayon sa mga grupong LGBTQ+. Nagtigum ang nagkadaiyang grupo ug kaalyado sa mga LGBTQ+ sa Liwasang Bonifacio sa Maynila niadtong Hunyo 26 aron dumdumon ang tinuig nga Stonewall Philippines Gay Pride. Giduso sa mga raliyista ang militanteng tradisyon sa Pride ug gikundenar ang nagkagrabe nga kahimtang sa katawhan taliwala sa krisis sa ekonomya ug padayong imperyalistang pagpanghilabot sa US sa Pilipinas. Nagpahigayon usab og militanteng protestang Pride sa Baguio City, Laguna, Batangas ug Tacloban City.

Marcos, gisugat og rali sa Canada. Gatusan ka myembro sa mga progresibong grupo ang walag-tuo nga nagprotesta aron sawayon si Ferdinand Marcos Jr sa pagbisita niya sa Canada niadtong Hulyo 1-4. Nibista sa Canada si Marcos aron makigtigum kang Prime Minister Mark Carney ug mga negosyante sa nasud. Gikasabutan dinhi ang pagpapalapad sa kooperasyong militar, pamuhunan sa pagmina sa mga bulawan ug kritikal nga mineral ug pagbaligya sa baratong kusog-pamuo sa mga Pilipino.