PADAYON ANG PAGDAGHAN sa mga paglapas sa tawhanong katungod sa tibuok nasud sa mga pwersa sa estado sa nangaging mga semana.

Pagpatay. Brutal nga gipatay sa 88th IB si Nenita Buscada, usa ka lumad, sa Barangay Saint Peter, Malaybalay City niadtong Hunyo 15. Kauban ni Buscada ang iyang bana ug duha pa ka sibilyan nga padulong sa kalasangan aron mangahoy sa dihang kalit nga gipaulanan sila og bala sa 8th IB.

Pakyas nga pagpatay. Gipamusil sa 43rd IB si Olid Yanay, 18, sa Barangay Caputoan, Las Navas, Northern Samar niadtong Hunyo 13 sa buntag. Gipabusikaran siya og tulo ka bala sa M203 grenade launcher. Nakadagan ug nakaluwas si Olid gikan sa maong pagpamusil.

Pag-aresto. Giaresto sa mga pulis ug sa 85th IB ang mag-uumang si Anthony Biñas niadtong Hunyo 19 sa Quezon. Gitago siya sa mga pulis ug natultolan na lang niadtong Hunyo 28 sa Quezon District Jail ug nag-atubang sa kasong pakyas nga pagpatay.

Samtang, patong-patong ang paglapas sa tawhanong katungod sa grabing militarisasyon sa Las Navas sa Northern Samar; sa Guihulngan City, Negros Oriental; sa mga lungsod sa Isabela ug Binalbagan sa Negros Occidental; ug bisan sa Marikina City sa nangaging mga semana.