Awanan-asi a pinatay dagiti ahente ti 2nd IB ti agassawa a senior citizen a da Pedro Regala, 78 anyos, ken Florencia Regala, 67 anyos idiay Barangay Toboran, Cawayan, Masbate idi Pebrero 5, 2024. Dagiti biktima ket kinimeg iti pagtaengan da, impan iti nasulinek a paset ti waig, awanan-asi a pinalto-paltogan, kinabilan ti ammo pouch ken pinaruar a natay iti engkwentro.

Imbalandra iti kapitakan ti bangkay dagiti nataengan ken imparada ida iti social media kas “terorista” tapno kalluban ti nakaam-ames a krimen kadakuada. Imbuelto iti pammapatay ti yunit ti 2nd IB ken grupo a paramilitar iti panangidaulo ni Adriel Besana. Ti Barangay ti Tuboran ket pagum-umukan ti ALSA-MASA nga ar-aramaten ti militar tapno agimula ti terorismo idiay Masbate. Naireport pay a naigamer iti droga dagiti pimmatay iti agassawa.

Panagaresto. Sangapulo ket tallo a sibilyan ti inaresto dagiti pwersa ti estado iti naduma-duma a kaso idiay Cebu, Negros, Quezon ken Masbate iti napalabas a dua lawas.

Inaresto dagiti pwersa ti estado ti lider-mannalon a ni Allan Flores idi Enero 21 iti bangkag na idiay Sibagay 2, Barangay Cantabaco, Minglanilla, Cebu. Sinampaan isuna kadagiti kaso a panagpatay ken gandat a panagpatay idiay Bohol.

Iti agpada nga aldaw, tallo a mannalon a kameng ti Kauswagan sang mga Mangunguma sa Buenvista (KMB) ti inaresto ti 94th IB idiay Sityo Cantupa-Pisok, Barangay Buenavista, Himamaylan City, Negros Occidental. Naam-ammo dagiti mannalon a da Deloy de Leon, Vincies de Leon ken Remy Villacanao. Idi Enero 22, inlung-aw ti militar ni Vincies de Leon ken sinampaan ti kaso a napaay a pammapatay. Saan pay nga inlung-aw ti dua pay aginggana itatta.

Idiay Mulanay, Quezon, arbitraryo nga inaresto ti pulis ti direktor ti pelikula ken propesor a ni Jade Castro ken tallo a gayyem na idi Pebrero 2. Iramraman ida iti panangpuor ti maysa nga e-jeep idiay Catanauan idi Enero 31. Ni Castro ket agar-aramid ti progresibo a pelikula ken karaman iti tumaktakder laban iti jeepney phaseout.

Idi Enero, inaresto dagiti pwersa ti estado ti lima a sibilyan idiay Masbate a pabpabasulen a Nalabaga a mannakigubat a nakarinnupak ti 2nd IB idiay Barangay Balantay, Dimasalang idi Hunyo 16 2023. Ti lima ket da Jamara Tumangan, Rowel Hagnaya, Alden Tumangan, Rico Cuyos ken Senen Dollete. Iti aktwal, biktima da ti panagpalpaltog dagiti soldado, nga impatay ti maysa a menor-de-edad.

Militarisasyon. Idi Enero 30, sinalbaan ti 96th IB dagiti residente a nangitured nga agkopra iti kainniugan nga inagaw ti militar idiay Barangay San Jose, Uson ken Barangay Sawmill, Mobo, Masbate. Idi Enero 29, nailista dagiti kaso ti panagtakaw ken iligal a panagsukain dagiti CAFGU ken militar idiay Hacienda Mortuegue iti ili ti Pio V. Corpuz ken Esperanza.