Iti nabiit ket inyulat dagiti komite ti Partido idiay Rizal, Metro Manila ken Central Panay ti inrussuat da a panagrambak iti maika-55 anibersaryo ti Partido Komunista ti Pilipinas (PKP).

Idiay Central Panay, inrussuat ti New People’s Army (NPA) ken rebolusyonaryo a masa ti makalawas a serye dagiti aktibidad idi maudi a lawas ti Disymebre 2023. Nagirussuat dagiti yunit ti simple a panagtatabuno, pagga-adal, kolektibo a panagtalakay iti pahayag ti Komite Sentral, ken kultural a presentasyon ken pammadayaw kadagiti martir. Nangted-inspirasyon dagitoy kadagiti dimmar-ay tapno patibkeren ti pakinakem da ken situtured a sangoen dagiti karit iti umay a 2024.

Iti maysa a syudad sadiay Metro Manila, nangidaton iti rebolusyonaryo a saniweng ken parangal dagiti lider ti Partido iti maysa a limed a selebrasyon. Pinadayawan da ni Jude Fernandez, naindaklan a lider-mangmangged. Kritikal-iti-bukod da a tinalakay ti mensahe ti Partido, ken tinalmegan dagiti nadakamat a kakapuyan nangruna ti panagraira ti empirisismo ken burukratismo. Kas paset iti sapata iti panagilinteg ken panangbaklay kadagiti rebolusyonaryo a rebbengen, nagsapata manen iti Partido ti kalihiman dagiti naduma-duma a sangay iti makuna a syudad.

Idiay Rizal, naggummong dagiti mangibagbagi ti National Democratic Front-Rizal idi Enero 12. Nangidaton ti mensahe ti pannakikaykaysa ken kultural a presentasyon dagiti mangibagbagi kadagiti rebolusyonaryo nga organisasyon kas panagrambak iti anibersaryo ti Partido. Inlanad ti tumunggal maysa ti panangawat da iti karit nga agtultuloy nga agilinteg ken agpabaro’t pigsa para iti panangitultuloy ti rebolusyon.

Sangsangkamaysa a nagsapata manen dagiti kasapi ti Partido tapno subliyanan dagiti rebolusyonaryo a rebbengen ken prinsipyo para iti panagtultuloy ti demokratiko a rebolusyon ti umili. Maysa daytoy a sapata a nairut a petpetan dagiti prinsipyo ti Partido, biag man ti maidaton para iti panagpabaro’t pigsa ti nailian-demokratiko a pannakidangadang agturong iti nangatngato a tukad.